لوكان سهمك يطرحونه اكتتاب
والله مااشري سهم منهو باعنا

وش هو بلاقي عندكم غير العذاب
نشدت جمهوري وناس اتباعنا

كم لي سجينٍ لاطعام ولاشراب
ولا نظرتم بااهتمام لاأوضاعنا

والله يابعض الصداقه انها خراب
ومايجينا منّها إلّا صداعنا

والله يابعض البيوت من دون باب
بيتٍ يحبكه شاعره لااسماعنا

كـ سُمّ عقرب في الحشى اوسُمّ داب
وتناقضت من عقبها اوجاعنا

وبعض القصايد قد تسبب اكتئاب
همٍٍّ توسّد به خوافقنا وهمٍّ لاعنا

حنا نجاري ابيات تخشاها الذياب
يوم نشوف الحرف حل نزاعنا

ننطح بيوتٍ ناطحت هام السحاب
ونجاري بحرٍ للشعر بشراعنا

نعشق اذاهو عشق في درب الصواب
وان خالف الملّه ندبنا سباعنا

في داخل الشاعر احاسيس وشعاب
يسطر ابياتٍ ويشبر باعنا

يامعشر الشعار من شيب وشباب
ضيفو على روض القصيد. مرباعنا

افكار تجلب من عن الساحات غاب
وتمطر سحايبها وتروي قاعنا

يتناقلوها أجيال من أهل السناب
وفي التواصل تلتقي بأجماعنا

فيها تسل سيوف وأنواع الحراب
ومنها ندمّر من نوى لارجاعنا

يامعشر الشعار حنا مانهاب
ونقدّم المبنى وهذا اشباعنا

ألّف لنا ديوان واحفظه فـ كتاب
ولاتهاب اللي نوى مصراعنا

يارب يامرسل لهم رجم الشهاب
تعطينا من تمشي معاه اطباعنا

نشوف من يتبع لأشعاع السراب
واحنا نوفّي الكيل باأول صاعنا

الشاعر الشريف حمد العبدلي الهاجس